Овој тип на соба се истакнува со најпространите балкони во хотелот. Нуди идеална комбинација од мир, пространост и комфор, надополнета со прекрасен комбиниран поглед: од една страна кон претседателската вила, а од друга страна кон живописниот Охридски Залив и градското пристаниште.

Големите и комотни балкони едноставно Ве мамат да го поминете денот на нив – уживајќи од првите утрински сончеви зраци, па сè до приквечерното галење на свежиот планински воздух кој доаѓа од Галичица.

Простор, капацитет и комфор

Со површина од околу 40 m², оваа соба е совршена за викенд–престој и нуди одличен комфор за мало семејство со мали деца.

• Капацитет: Еден брачен кревет (кој на Ваше барање може да се раздели на два посебни кревети).
• Дополнителна опција: Собата располага со удобна софа која по потреба се претвора во комотен дополнителен кревет.
• Флексибилност: Специфичната положба нуди можност за избор на страна на погледот, според желбите и афинитетите на гостите.